ﻭﺍﺣﺪ ﺷﺎﻳﻘﻰ ﺑﺤﺐ ﻭﺍﺣﺪﺓ ﻭﻛﺎﻥ ﺑﺴﻒ
ﺗﻤﺒﺎﻙ
ﻗﺎﻣﺖ ﻗﺎﻟﺖ ﻟﻴﻪ ﻳﺎ ﺍﻧﺎ ﻳﺎ ﺍﻟﺘﻤﺒﺎﻙ
ﺷﻮﻓﻮﺍ ﻗﺎﻝ ﻟﻴﻬﺎ ﺷﻨﻮ :
ﻣﺎ ﺑﻴﻦ ﺭﻳﺪﻙ ﻭﺗﻤﺒﺎﻙ ﻧــــــــﻮﺭﻱ
ﺃﺣﺴﻦ ﻟﻲ ﻳﺎﺧﻲ ﺍﻟﺘﻤﺒــــــــــــﺎﻙ
ﻣﺎﻟﺘﻤﺒﺎﻙ ﻟﻲ ﺭﺍﺳﻲ ﺿـــــﺮﻭﺭﻱ
ﻟﻤﻦ ﺍﺳﻒ ﻳﺎﺩﻭﺏ ﺑﻄــــــــــــﺮﺍﻙ
ﻭﺇﻻ ﻳﻜﻮﻥ ﺗﻤﺒﺎﻙ ﺩﺍﺭﻓــــــــﻮﺭﻱ
ﻣﻌﺎﻫﻮ ﺿﻤﺎﻥ ﺍﻻﺳﺘﻬـــــــــــﻼﻙ
ﻭﺳﻔﺔ ﺗﻜﻮﻥ ﻫﻲ ﺩﻗﺎﺭ ﻟﻲ ﻟﻮﺭﻱ
ﻋﺸﺎﻥ ﺑﺎﻟﺠﺪ ﺑﺎﻟﺠﺪ ﺍﻫـــــــــﻮﺍﻙ
ﺷﺎﻳﻔﻚ ﺩﺍﻳﺮﻩ ﺗﻠﻔﻲ ﺗـــــــــﺪﻭﺭﻱ
ﻭﻗﻠﺘﻲ ﺍﻟﺴﻔﻪ ﺩﻱ ﻣﺎﻋﺎﺟﺒــــــﺎﻙ
... ﻣﺎﺗﺘﻜﻠﻤﻲ ﻓﺮﺗﻘﻲ ﻃﻴــــــــــــــﺮﻱ
ﻭﺃﻭﻋﻲ ﺗﻘﻮﻟﻲ ﺃﻧﺎ ﺑﺘﺮﺟـــــــــﺎﻙ
ﺷﻮﻓﻲ ﻫﺪﻳﻚ ﺑﻜﺮﻱ ﻭﻋﻤــــﻮﺭﻱ
ﺩﻳﻞ ﺍﻟﺒﻨﻔﻌﻮﺍ ﻳﺎﺧﻲ ﻣﻌـــــــــــﺎﻙ
ﺗﻠﻘﻲ ﺍﻟﻮﺩ ﻻﻣﻊ ﺣﻤــــــــــــﻮﺭﻱ
ﻭﻟﻤﻦ ﺗﺰﻋﻠﻲ ﺑﻴﺠـــــــﺮﻱ ﻭﺭﺍﻙ
ﻭﻣﻦ ﻋﺮﺑﻴﺘﻮ ﻳﺪﻕ ﺍﻟﺒـــــــــﻮﺭﻱ
ﻭﻳﻘﻌﺪ ﺑﺮﻩ ﻭﻳﺴﺘﻨـــــــــــــــــــﺎﻙ
ﻭﺗﻄﻠﻌﻮ ﺗﻤﺸﻮﺍ ﺍﻟﻨﺎﺩﻱ ﺍﻟﺴﻮﺭﻱ
ﻭﺗﻤﺸﻮ ﺇﻥ ﺷﺎﺀﺍﻟﻠﻪ ﺍﻟﻮﺍﻕ ﺍﻟﻮﺍﻕ
ﺑﺲ ﺃﺧﺘﻴﻨﻲ ﻭﺃﺧﺘﻲ ﻧﻔــــــﻮﺭﻱ
ﻟﻤﻦ ﺃﺯﻋﻞ ﻣﺎ ﺑﻨﻄـــــــــــــــــﺎﻕ
ﺃﺩﺭﺩﻡ ﺳﻔﻪ ﻭ ﻭﺃﺩﻕ ﻃﻤﺒــــﻮﺭﻱ
ﻭﺃﻣﻼ ﺍﻟﺪﻧﻴﺎ ﺩﻱ ﺑﺎﻟﻜـــــــــﻮﺭﺍﻙ
ﻭﻛﺎﻥ ﻏﻨﻴﺖ ﺑﻄﻠﻊ ﻣﻦ ﻃـــﻮﺭﻱ
ﻭﺗﻠﻘﻲ ﺍﻟﺸﻴﻨﺔ ﻫﻲ ﺳﺎﺑﻘﻪ ﻏﻨﺎﻙ
ﺃﻋﻤﻞ ﻟﻴﻚ ﻓﻴﻬﺎ ﺍﻟﻔﻴﺘــــــــﻮﺭﻱ
ﻭﺃﻛﺘﺐ ﺩﻳﻮﺍﻥ ﻓﻴﻜﻲ ﺑـــــــــﺮﺍﻙ
ﺷﻜﻠﻚ ﻣﺎ ﺑِّﺘﻌﺮﻓﻲ ﺗُــــــــــﺪﻭﺭﻱ
ﻷﻧﻮ ﺍﻟﺸﻔﺘﻲ ﺃﻛﻴﺪ ﻏﺸــــــــــﺎﻙ
ﺭﻏﻢ ﺍﻟﺴﻔﺔ ﻭﺭﻏﻢ ﻓﺠـــــــﻮﺭﻱ
ﻭﺑﻲ ﺗﻤﺒﺎﻛﻲ ﺩﻩ ﺑﺮﺿﻮ ﻣـــــﻼﻙ
ﻭﻳﺎﻣﺎ ﻧﺎﺱ ﺳﻔﺖ ﺑﺎﻟﻠـــــــﻮﺭﻱ
ﻭﺳﻮﺕ ﺑﺎﻟﺴﻔﺘّﻮ ﺃﻣـــــــــــــﻻﻙ
ﻭﺳﻮﻯ ﻋﻤﺎﺭﺓ ﺭﻛﺐ ﺑﺎﺟـــﻮﺭﻱ
ﻭﻟﺴﻪ ﺑﺴﻒ ﺑﺲ ﻣﺎﺗﻤﺒـــــــــﺎﻙ
ﺍﻟﺘﻤﺒﺎﻙ ﺃﻧﺎ ﻟﻲ ﺩﺳﺘــــــــــﻮﺭﻱ
ﻭﻏﺼﺒﺎ ﻋﻨﻚ ﻭﺑﺘﺤـــــــــــــﺪﺍﻙ
ﻭﻛﺎﻥ ﺃﺻﺪﺭﺗﻲ ﻗﺮﺍﺭ ﺟﻤﻬﻮﺭﻱ
ﻗﻴﻤﺔ ﺍﻟﺤُّﻘﺔ ﺩﻱ ﻣﺎ ﻓﺎﻳﺘــــــــﺎﻙ
ﻭﻣﻬﻤﺎ ﺗﺒﻜﻲ ﻭﻣﻬﻤﺎ ﺗﺠــــﻮﺭﻱ
ﻭﻣﻬﻤﺎ ﺍﻟﻨﺎﺱ ﻳﺘﻤﻨﻮ ﺭﺿـــــﺎﻙ
ﻻ ﻓﻲ ﻭﺳﻌﻲ ﻭﻻ ﻣﻘـــــــﺪﻭﺭﻱ
ﺇﻧﻲ ﺃﺗﺨﻠﻰ ﻋﻦ ﺍﻟﺘﻤﺒـــــــــــﺎﻙ
ﻳﻼ ﺇﺗﺨﺎﺭﺟﻲ ﻓﺮﺗﻘﻲ ﻏـــــﻮﺭﻱ
ﺑﺸَّﻨﻖ ﺳﻔﻪ ﻭﺑﻨﺴﻰ ﻫﻮاك