ﻣﺸﻴﺖ ﺑﻌﺪﻙ ﺑﻼﺩ ﺍﻟﺸﻮﻕ ..
ﻏِﺸﻴﺖ ﻓﻲ ﺳﻜـــﺘﻲ ﺍﻷﻃـــــﻼﻝ
ﻟﻘﻴﺘــﻚ ﻟﺴّﻪ ﻓﻲ ﺍﻟﺨـــﺎﻃــﺮ،،
ﻭﻓﻲ ﻣــﺮﻗﺔ ﺷﻤﺲ ﺑﺎﻛـــﺮ،،
ﻣﻼﻧـﺒﻚ ﻃﻮﻝ ﺣﻴﺎﺗﻨﺎ ﺟﻤﺎﻝ .
ﺭﺳﻮﻣﺎﺕ ﺭﻭﻋﺘﻚ ﺗــﺬﻛﺎﺭ ..
ﻋﻠﻲ ﺃﺑﻮﺍﺏ ﺑﻴﻮﺕ ﺍﻟﺤـﻲ ..
ﻣﺤــﻞ ﺗﺎﻭّﻕ ﻟـﻘﻴﺘﻚ ﺷﻮﻕ
ﻣﺸﺘﺖ ﻓﻲ ﺍﻟﺸﻮﺍﺭﻉ ﺿﻲ ..
ﺃﻣﺎﺳﻴﻨﺎ ﺍﻟﺒﺘﺴﻬﺮ ﺑﻴــﻚ ..
ﻧﺠﻴﻤﺎﺗﻨــﺎ ﺍﻟﺒﺘﺸﻬﺪ ﻟﻲ ..
ﻭﺭﺍﻙ ﻻ ﺟﻔّﻦ ﺍﻟﺪﻣﻌﺎﺕ
ﻭﻻ ﺃﺗﻼﻗﻦ ﺭﻣﻮﺵ ﻋﻴﻨﻲ ..
ﺃﻭّﻧﺲ ﺑﻴﻚ ﻧﺼﺎﻳﺺ ﺍﻟﻠﻴﻞ ..
ﺍﺣﺠﻴﻚ ﺩﻧﺪّ ﻧﻪ ﻭﻣﻮّﺍﻝ ..
ﺳﺄﻟﺖ ﻋﻠﻴﻚ ﺑﺮﺍﻱ ﺍﻟﻨﻴﻞ ..
ﺗﻤﻴﺮﺍﺗﻨﺎ ﻭﻋﺼﻴﻔﻴﺮ ﺍﻟﻬﻮﻯ ﺍﻟﺼﺪّﺍﺡ ..
ﻟﻘﻴﺘﻚ ﻓﻲ ﻋﻴﻮﻥ ﺍﻟﻨﺎﺱ
ﺣﻨﻴﻦ ﺳﺎﻛﻦ ﺍﻟﻘﻠﻮﺏ ﻣﺮﺗﺎﺡ
.. ﺑﺘﻄﻠﻊ ﻣﻦ ﺣﻜﺎﻳﺎﺗﻨﺎ ﻭﺧﻴﺎﻻﺗﻨﺎ ...
ﺭﻫﺎﺏ ﺷﺎﻳﻔﻚ ﺑﻌﻴﺪ ﺭﺣﺮﺍﺡ ..
ﺃﻧﺎﺩﻱ ﻋﻠﻴﻚ ..
ﺷﻤﻮﺱ ﺗﻤﺮﻕ ﻣﻦ ﺍﻟﻮﺍﻃﻪ ..
ﻗﻠﻮﺏ ﺑﻴﻀﺎﺀ ﻭﺷﻌﺎﻉ ﻭﺻﺒﺎﺡ ..
ﻳﺒﻖ ﻧﻮﺭﻙ ﻣﻊ ﺍﻟﻔَﺠَّﺎﺝ ..
ﻋﻠﻲ ﺍﻟﻨﺨﻞ ﺍﻟﻌﺰﻳﺰ ﻭﻃُﻮَﺍﻝ
ﺃﺗﺎﺭﻳﻚ .. ﺇﻧﺖ ﻛﻠﻨﺎ ﺑﻴﻚ ..
ﺑﻼﻙ ﻧﺤﻦ ﻭﺑﻴﻮﺗﻨﺎ ﺷَﺠَﻦ ..
ﺗﻤﻮﺕ ﺳِﻴﺮﺓ ﺍﻟﻔﺮﺡ ﻧﺒﻜﻴﻚ ..
ﻧﺘﻮﻩ ﻣﺎﻧﻠﻘﻰ ﻟﻴﻨﺎ ﻭﻃﻦ ..
ﺟﻨﺎﻳﻨﺎ ﻭﺿَﺮﺍﻧﺎ ﺍﻟﻔﻮﻕ ..
ﻗﻤﺎﺭﻳﻨﺎ ﻭﺣﺴﻴﺲ ﺍﻟﻘﻮﻕ ..
ﺭَﺣَْﻞْ ﻛﻞ ﺍﻟﺒﻠﺪ ﻭﻳﺎﻙ ..
ﻧﺰﻝْ ﺟﻮَﺍﻙ ﺣﻨﻴﻦ ﻭﺳﻜْﻦ ..
ﻭﺍﻧﺎ ﺍﻟﻜﺎﺗﻠﻨﻲ ﻣﻦ ﻳﻮﻡ ﺩﺍﻙ ..
ﻋﻠﻲ ﻋﻴﻨﻴﻚ ﻋﻴﻮﻧﻲ ﺑﻜﻦ ..
ﺃﻗﺎﻟﺪ ﺫﻛﺮﺗﻚ ﺟﻮﺍﻱ .
ﻭﺃﻋﻴﺶ ﺑﺎﻗﻲ ﺍﻟﻌُﻤُﺮ ﺭﺣّﺎﺍﺍﺍﻝ ..
ﺳﻼﻣﺎﺕ ﻭﻳﻦ ﻧﺰﻝ ﻣﺤﻴﺎﻙ ..
ﺗﺤﻴﺎﺗﻨﺎ ﻭﺃﻣﺎﻧﻴﻨﺎ ..
٠٠ ﺍﻛﻴﺪ ﺑﺎﻛﺮ ﻧﺠﻲ ﻭﻧﻠﻘﺎﻙ ..
ﻗﻤﺮ ﺑﺎﻫﺮ ﺃﻣﺎﺳﻴﻨﺎ ..
ﺗﺒﻞ ﺷﻮﻕ ﺍﻟﺒﻠﺪ ﺗﺮﺗﺎﺡ
ﻋﻠﻲ ﻧﻤّﻚ ﻏﻨﺎﻭﻳﻨﺎ ..
" ﻟﺪﺍﻳﺎﺕ " ﺷﺎﻳﻚ ﺍﻟﺮﻣﺎﻱ ..
ﻣﺰﺍﺟﺎﺕ ﻗﻬﻮﺗﻚ ﺟﻮّﺍﻱ ..
ﺃﺣﺎﺳﻴﺲ ﻓﻴﻨﻲ ﺗﺘﺤﻜﺮ ..
ﺟﻤﺎﻝ ﻧﻴﻠﻨﺎ ﻭﻋﺼﺎﺭﻳﻨﺎ ..
ﻧﻀﺎﺭﻳﻚ ﻓﻲ ﺍﻟﻌﻴﻮﻥ ﺗﻈﻬﺮ ..
ﺑﺮﻳﻖ ﻟﻬﻔﺔ ﻭﺩﻣﻊ ﻫﻄّﺎﺍﺍّﺍﻝ