ﺃﻣﺲ ﺣﺒﻴﺖ ﻭﺃﺣﺐ ﺍﻟﻴﻮﻡ ﻭﺃﺣﺐ ﺑﺎﮔـﺮ
ﺑﺤﺐ ﻣﻦ ﻗﻠﺒﻲ ﻻ ﺧﺎﻳﻒ ﻭﻻ ﻧﺎﮔـﺮ
........
ﺑﺤﺐ ﺍﻟﻨﺎﺱ ﺗﮕـﻮﻥ ﻓـﻲ ﺳﺮﻭﺭ
ﺗﺒﺴﻴﻢ ﻳﻔﺮﺡ ﺍﻟﺨﺎﻃﺮ
ﻭﺍﻷﻃﻔﺎﻝ ﺑﺤﺐ ﺃﻟﻘﺎﻫــﺎ ﻓـﻲ ﻋﻴﻮﻧﻬﺎ
ﺍﻟﻔﺮﺡ ﻇﺎﻫﺮ
ﻭﺍﺳﺮﺑﺎﻟﻌﺼﺎﻓـﻴﺮ ﻓـﻲ ﻧﻐﻢ ﻣﻨﺴﺎﺏ
ﻭﻣﺘﻮﺍﺗﺮ
ﻭﺣﺒﺎﺕ ﺍﻟﺮﺯﺍﺯ ﺗﻨﺰﻝ
ﻣﻦ ﺍﻟﻐﻴﻢ ﺍﻟﺤﻠﻮ ﺍﻟﻤﺎﻃﺮ
......
ﺑﺤﺐ ﻟﻤﺎ ﺍﻟﻨﺨﻴﻞ ﺗﺮﻗﺪ
ﻇﻼﻟﻬﺎ ﻋﻠﻲ ﺿﻔﺎﻑ ﺍﻟﻨﻴﻞ
ﺑﺤﺐ ﺍﻟﺴﺎﻗﻴﺔ ﻓـﻲ ﺣﻨﻴﻪ
ﺗﺼﺪﺡ ﻓـﻲ ﺳﮕـﻮﻥ ﺍﻟﻠﻴﻞ
ﺑﺤﺐ ﺍﻟﻘﻤﺮﺓﺗﻨﺠﻠﻲ
ﺣﻮﺍﻟﻴﻬﺎ ﺍﻟﻨﺠﻮﻡ ﺇﮔـﻠﻴﻞ
ﺑﺤﺐ ﺍﻟﺤﻠﻮﻩ ﻭﺍﻟﺠﻴﺮﺍﻥ
ﻭﻫﺎﺭﻣﻮﻧﻴﺔ ﺍﻟﺘﺮﺗﻴﻞ
ﺑﺤﺐ ﺍﻧﺠﻢ ﻟﻴﺎﻟﻲ ﺍﻟﺼﻴﻒ
ﺗﺘﻼﻟﻲ ﺗﺒﺪﺩ ﻭﺍﻟﻌﺘﻤﺔ
ﺑﺤﺐ ﻭﻗﺖ ﺷﺮﻭﻕ ﺍﻟﺸﻤﺲ
ﻟﻤﺎ ﺗﺠﻴﻨﻪ ﻣﺒﺘﺴﻤﻪ
ﻭﮔـﺘﺘﻔﺘﺘﺢ ﺍﻷﺯﻫﺎﺭ
ﻭﺗﺘﻤﺎﻳﻞ ﻣﻊ ﺍﻟﻨﺴﻤﻪ
ﻭﺃﺷﻮﻑ ﺍﻟﻤﻮﺝ ﺭﻗﺺ ﻧﺸﻮﺍﻥ
ﻭﺍﻳﻘﺎﻋﺎﺗﻮ ﻣﺒﺘﺴﻤﻪ .
ﮔـﻢ ﻓـﻲ ﺍﻟﮕـﻮﻥ ﺻﻮﺭ ﺭﻭﻋﻪ
ﺟﻤﺎﻝ ﻣﺨﺘﻠﻔﺔ ﺍﻟﻮﺍﻧﻮ
ﺃﺑﺪﻉ ﺭﺑﻨﺎ ﺍﻟﻘﺎﺩﺭ
ﺇﻟﻪ ﺍﻟﻌﺮﺵ ﺳﺒﺤﺎﻧﻮ
ﮔـﻢ ﻣﻦ ﻣﻌﺠﺰﺍﺕ ﺗﻤﺘﻠﮕـ
ﺷﻌﻮﺭ ﺍﻟﺰﻭﻝ ﻭﻭﺟﺪﺍﻧﻮ
ﻭﺍﻟﺸﺎﻋﺮ ﺟﻤﺎﻝ ﺍﻟﺮﻭﺡ
ﺑﮕـﻮﻥ ﻓـﻲ ﻗﻠﺒﻮ ﻭﻟﺴﺎﻧﻮ