ﻓﻲ ﺍﻟﻠﻴﻠﺔ ﺩﻳﻚ
ﺍﻟﻘﺼﺔ ﺫﺍﺗﻬﺎ ﺑﻘﺖ ﻋﻠﻴﻚ ﻳﺎ ﻋﺒﺪﻭ ﻭﺃﺩﻭﻙ
ﺍﻟﺸﺮﻳﻂ
ﻳﻮﻡ ﻗﻮﻟﻨﺎ ﻟﻴﻚ ﺃﻧﻀﻢ ﻣﻌﺎﻫﺎ ﻭﻛﻠّﻤﻬﺎ
ﻟﻜﻦ ﺃﺑﻴﺖ ﺗﺴﻤﻊ ﻛﻼﻣﻨﺎ
ﺑﻘﻴﺖ ﻟﻤﻴﺾ ﻭﻗﻠﺖَ..ﺃﺣﺴﻦ ﺃﻛﻮﻥ
ﺗﻘﻴﻸ
ﻧﺎ ﻳﺎ ﺟﻤﻴﻞ ﺑﺎﻛﺮ ﺑﻌﺪ ﺑﺎﻛﺮ
ﺑﻜﻬﺮﺑﻬﺎ ﻟﻴﻚ ﺑﻲ ﻧﻈﺮﺓ
ﻛﺘﻴﻞ ﻭﺑﻘﻴﺖ ﺗﻘﻴﻠﻼ
ﻣﻦ ﺳﻘﻮﻙ ﻣﻮﻳﺔ ﺍﻟﻐﺴﻴﻞ
ﻳﻮﻡ ﺟﻴﺖ ﺗﻨﻄﻂ ﺯﻱ ﺯﻣﺎﻥ
ﻭﺗﺒﺎﺭﻱ ﺑﻘﻌﻮﺭ ﺍﻟﺸﺠﺮ
ﻛﺎﻳﺲ ﻛﺮﺍﺳﻲ ﺍﻟﺨﻴﺰﺭﺍﻥ..
ﻭﻗﻌﺪﺕَ ﻳﺎ ﺯﻳﻨﺔ ﺍﻟﺮﺟﺎﻝ
ﻛﻬﺮﺑﺠﻲ ﻗﺎﻝ ﺭﻓﻌﻮﺍ ﺍﻟﺴﺘﺎﺭ
ﻭﺍﻟﺒﺖ ﺗﺠﻲ ﻭﺗﻤﺸﻲ ﻭ ﺗﻠﻒ
ﻭﻣﺮﺍﺕ ﺗﻘﻴﻒ ﻭﻣﻌﺎﻫﺎ ﻛﺎﻥ ﺯﻭﻻً ﺣﺮﻳﻒ
ﻭﺍﻟﻮﻗﻔﺔ ﻛﺎﻥ ﻭﻗﻔﺔ ﻭﻟﻒ
ﻭﺻﺎﺣﺒﻨﺎ ﺑﺎﻻﺣﺴﺎﺱ ﻋﺮﻑ
ﻭﺳﺄﻟﺖَ ﻭﺍﻟﻨﺎﺱ ﻛﻠّﻤﻮﻙ
ﻣﻠﻌﻮﻥ ﺃﺑﻮﻙ ﺩﻧﻴﺎ ﺃﻡ ﻗﺪﺩ
ﺑﻘﺖ ﺍﻟﺒﻘﺖ ﻭﻭﻗﻌﺖَ ﻓﻲ ﺷﺎﺭﻉ ﺍﻟﺰﻟﻂ
ﺗﺒﻜﻲ ﻭﺗﺠﻌّﺮ ﻭﺍﻟﻌﻴﻮﻥ ﺍﺗﻮﺭّﻣﺖ
ﻳﺪ ﺍﻟﻘﻤﻴﺺ..ﺿﻬﺮ ﺍﻟﻘﻤﻴﺺ..ﻛﻢ
ﺍﻟﻘﻤﻴﺺ
ﺣﺘﻰ ﺍﻟﻔﻨﻴﻠﺔ ﺍﺗﺸﺮّﻃﺖ
ﻳﺎ ﻋﺒﺪﻭ ﻋﻴﺐ ﻗﻮﻡ ﻳﻼ ﺻﻠﻲ ﻋﻠﻰ
ﺍﻟﺤﺒﻴﺐ
ﺍﻟﻮﺍﻃﻪ ﺻﺒﺤﺖ ﺩﺍﻳﺮ ﻧﻨﻮﻡ
ﻳﺎ ﺃﺧﻮﺍﻧّﺎ ﻷ ﺃﻧﺎ ﻋﺎﻳﺰﺃﻣﻮﺕ
ﺃﻗﻊ ﺍﻟﺒﺤﺮ ﻳﺎ ﻋﺒﺪﻭ ﻋﻴﺒﺎ ﻟﺪﻧﻴﺎ ﺣﺮ..
ﻭﺍﻟﻤﻮﻳﺔ ﺑﺘﺴﺨّﻦ ﻋﻠﻴﻚ
ﺛﻼﺛﺔ ﺳﺎﻋﺎﺕ ﻓﻲ ﺍﻟﻄﺮﻳﻖ
ﻭﺯﻭﻟﻨﺎ ﻗﺎﻋﺪ ﻳﺴﺐ ﻭﻳﻜﻴﻞ
ﻭﺩﻣﻮﻋﻮ ﺳﺎﻳﻼﺕ ﺑﺎﻟﻜﻔﻮﻑ
ﻭﺷﺮﺍﻳﻄﻮ ﺗﻠﻤﻊ ﻓﻲ ﺍﻟﻜﺘﻮﻑ
ﺑﻘﻰ ﻓﻴﻠﺴﻮﻑ
ﺷﻲ ﻛﻼﻡ ﻋﻦ ﺍﻟﺪﻧﻴﺎ ﺃﻡ ﻗﺪﻭﺩ
ﻭﻋﻼﻗﺔ ﺑﻴﻦ ﻳﻮﻣﺎ ﻟﺴﺒﺖ ﻭﻋﻴﻦ ﺍﻟﺤﺴﻮﺩ
ﻭﻣﻘﺎﺭﻧﺎﺕ ﺑﻴﻦ ﺍﻟﺠﻤﺎﻝ ﻭﺍﻟﺠﻬﻞ ﻭﺳﻮﺀ
ﺍﻹﺧﺘﻴﺎﺭ
ﻗﺎﻝ ﺷﻴﻨﺔ ﻗﺎﻝ!...ﻗﺎﻝ ﺷﻴﻨﺔ
ﻗﻠﻨﺎ ﻛﻼﻡ ﺻﺤﻴﺢ ﻭ ﺧﻄﻴﺒﻬﺎ ﺯﺍﺗﻮ ﻭﻟﺪ
ﻗﺒﻴﺢ
ﺑﺲ ﻳﺎﺧﻲ ﻗﻮﻡ ﺍﻟﻮﺍﻃﺔ ﻟﻴﻞ..
ﺩﺍﻳﺮﻳﻦ ﻧﻨﻮﻡ
ﻗﺎﻡ ﺗﺎﻧﻲ ﺟﺎﺏ ﺳﻴﺮﺓ ﺍﻟﺒﺤﺮ
ﻭﻗﺎﻡ ﺗﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻧﻲ ﺟﺎﺏ ﺳﻴﺮﺓ ﺍﻟﺒﺤﺮ
الثلاثاء أبريل 09, 2019 9:16 am من طرف Admin
