ﺍﻟﻤﻤﺸﻰ ﺍﻟﻌﺮﻳﺾ
ﻋﺒﺪﺍﻟﻌﺰﻳﺰ ﺍﻟﻌﻤﻴﺮﻱ
ﻣﻜﺘﻮﺑﺔ ﻓﻰ ﺍﻟﻤﻤﺸﻰ ﺍﻟﻌﺮﻳﺾ
ﺷﻴﻠﺔ ﺧﻄﻮﺗﻚ .. ﻟﻰ ﺍﻟﺒﻨﻴّﺔ
ﻣﻜﺘﻮﺑﺔ ﺑﻰ ﺍﻟﺨﻂ ﺍﻟﻌﻨﻴﺪ ...
ﻓﻰ ﺫﻣّﺔ ﺍﻟﺤﺎﺿﺮ .. ﻭﺻﻴّﺔ
ﺷﺎﻫﺪﺓ ﺍﻟﺘﻮﺍﺭﻳﺦ ﻭﺍﻟﺴّﻴﺮ
.. ﻭﺍﻹﻧﺘﻈﺎﺭ
ﺃﺩﻭﻧﻰ ﻣﻦ ﻗﺒﻠﻚ ﻣﻨﺎﺩﻳﻞ ﺍﻟﻮﺻﻮﻝ
.. ﻭﻓﺮﺩﺕ ﺃﺟﻨﺤﺔ ﺍﻟﻌﺸﻢ ..
ﻓﻰ ﺳﺎﺣﺔ ﺍﻟﻮﻃﻦ .. ﺍﻟﺒﺘﻮﻝ
ﻭﺿﺤﻜﺖ ﻣﺎﻫﻤّﺎﻧﻰ ﺷﻰ ...
ﻭﺑﻜﻴﺖ ﻭﻻ ﻫﻤّﺎﻧﻰ ﺷﻰ
ﻋﻨﺪﻙ ﻭﻗﻔﺖ ﻣﻦ ﺍﻟﻤﺸﻰ
ﻭﻏﺮﻗﺖ ﻓﻰ ﺿﻮ ﺍﻟﻨﻬﺎﺭ
********
ﻛﺎﻧﻮﺍ ..
ﺑﺘﻤﻨﻮﻛﻰ ﻟﻮ ﺗﺮﺗﺎﺣﻰ ﻟﺤﻈﺔ ..
ﻋﻠﻰ ﺍﻟﺪﺭﺏ
ﺣﺒﻮﻛﻰ ... ﺣﺐ
ﻗﺪﺭ ﺍﻟﺤﺮﻭﻑ ﺍﻟﺤﺎﻳﻤﺔ ﻓﻰ ﺑﻄﻦ ﺍﻟﻜﺘﺐ
ﻗﺪﺭ ﺍﻟﺨﻴﺎﻝ ..
ﻣﺎ ﻣﺪّ ﺇﻳﺪﻭ ﻋﻠﻰ ﺍﻟﺴﺤﺐ
ﻛﻞ ﺧﺎﻃﺮ ﻛﺎﻥ ﺑﺮﻳﺪﻙ
ﺇﻻّ ﺭﻳﺪﻙ ﻛﺎﻥ ﺭﺳﻮﻝ ﺍﻟﺪﻫﺸﺔ ...
ﻓﻰ ﻛﻞ ﺍﻟﺪﻳﺎﺭ
.. ﻭﺃﻧﺎ ﺯﻯ ﻋﻮﺍﻳﺪ ﺍﻟﺸﻌﺮ ﻓﺎﺭﺱ
ﻣﺪّ ﺧﻴﻞ ﺍﻟﻜﻠﻤﺔ .. ﻟﻴﻚ
ﻣﺼﻠﻮﺏ ﻋﻠﻰ ﺿﻬﺮ ﺍﻟﺒﺪﺍﻳﺔ
.. ﺍﻟﻘﺎﻟﻮﺍ ﺁﺧﺮﺍ ﺟﺎﻳﻰّ ﻟﻴﻚ
ﻭﺳﺮﺣﺖ ﻳﺎﻣﻬﻮّﻥ .. ﺗﻬﻮّﻥ ﺷﺎﻥ ﺃﺟﻴﻚ
ﻛﺎﻥ ﺃﺻﻞ ﻳﻮﻡ ﻟﻰ ﺣﻀﻮﺭﻙ ...
ﻛﺖْ ﺑﺮﻳﺪﻙ .. ﻭﻣﺸﺘﻬﻴﻚ
ﻭﺇﻧﻜﺴﺮ ﻓﻴﻨﻰ ﺍﻟﺘﺮﺟّﻰ
ﻭﻧﻠﺖ ﻣﻦ ﺳﻔﺮﻯ ﺍﻟﺨﺴﺎﺭ
ﺑﺲ ﺩﺍﻳﺮ ﺃﻗﻮﻟﻚ ﻳﺎ ﺃﺻﻴﻠﺔ
ﻟﻮ ﺗﻌﺐ ﻓﻴﻨﺎ ﺍﻟﺘﻤﻨﻰ ..
ﻭﺇﻧﻬﺘﻚ ﻭﺗﺮ ﺍﻟﻤﻐﻨﻰ
ﻟﻮ ﺗﺴﺪﻯ ﻋﻠﻴﻨﺎ ﻃﺎﻗﺎﺕ ﺍﻟﺒﺸﺎﻳﺮ ...
ﺑﻨﻬﺰﻡ ﻳﻮﻡ ﺍﻟﺘﺠﻨّﻰ
ﻭﺃﺟﻴﻜﻰ ﻣﺎ ﻫﻤّﺎﻧﻰ ﺷﻰ
ﻋﻨﺪﻙ ﻭﻗﻔﺖ ﻣﻦ ﺍﻟﻤﺸﻰ ..
ﻭﻏﺮﻗﺖ ﻓﻰ ﺿﻮ ﺍﻟﻨﻬﺎﺭ
الثلاثاء أبريل 09, 2019 9:16 am من طرف Admin
