ﺃﺧﻮﺍﻥ ﺍﻹﻧﺴﺎﻧﻴﺔ
ﻳﺤﻴﻰ ﻓﻀﻞ ﺍﻟﻠﻪ
ﻣﺎﺑﻴﻦ ﺯﻣﻨﺎً ﻣﺘﻤﻨﻴﻬﻮ
ﻭﺯﻣﻨﺎً ﻣﻨﻚ .. ﺯﺍﺩﻧﻰ ﺃﺳﻴـّﺔ
ﻃﻔﺖ ﺍﻟﺪﻧﻴﺎ ﻋﺸﺎﻥ .. ﺃﻧﺴﺎﻙِ
ﻭﺃﻧﺴﻰ ﺍﻟﺤﺰﻥ ﺍﻟﻄﺎﺭﺩ .. ﻟﻴـّﺎ
ﻛﺎﻥ ﺍﻟﺒﺤﺮ ﺍﻟﻤﺎ ﺧـﻼّﻧﻰ .. ﺃﻋﻴﺶ ﻓﺮّﺍﺩﻯ
ﻛﺎﻧﻮﺍ ﺃﺧﻮﺍﻥ ﻓﻰ ﺍﻹﻧﺴﺎﻧﻴﺔ
ﻗﻌﺪﺕ ﻣﻌﺎﻫﻢ .. ﻭﺇﺗﻔﺎﻛﺮﻧﺎ
ﻛﻢ ﻟﻔـّﻴﻨﺎ .. ﻭﻛﻢ ﺳﺎﻓﺮﻧﺎ
ﻭﻛﻢ ﻣﺎﺯﺣﻨﺎ ﻟﻴﺎﻟﻰ ﺍﻟﺼﻴﻒ
ﻛﻢ ﻏﻨﻴﻨﺎ ﻟﻰ ﺍﻟﺤﺮﻳﺔ
ﻛﻢ ﺩﺍﺭﻳﻨﺎ ﺍﻟﺤﺰﻥ ﺍﻷﻛﺒﺮ
ﺑﻴﻦ ﺍﻟﺼﻴﻒ .. ﻭﺟﻤﺎﻝ ﺍﻟﻤﻨﻈﺮ
************
ﻛﻨﺖِ ﺑﺘﻄﻠﻌﻰ ﻣﻦ ﻋﻴﻨﻴﻬﻢ
ﻭﻛﺘﻴﻦ ﻳﻔﺮﺣﻮﺍ .. ﺃﻭ ﻳﻨﺪﻫﺸﻮﺍ
ﺃﻭ ﻳﻔﺘﺮﺷﻮﺍ ﺳﻮﺍﻋﺪ ﺑﻌﺾ
ﺃﻭ ﻳﺘﻜﻠﻤﻮﺍ ﻋﻦ ﺍﻷﺭﺽ .. ﻭﺳﻼﻡ ﺍﻟﻌﺎﻟﻢ
ﻭﻛﻨﺖ ﻏﺮﻳﺐ ﺍﻟﻮﺟﻪِ .. ﻣﻌﺬﺏ
**********
ﻣﺎ ﺃﺣﻼﻫﻢ ..
ﺷﺎﻟﻮﺍ ﻣﻌﺎﻯ ﺍﻟﻬﻢ ﺑﻰ ﺍﻟﺠﻤﻠﺔ
.. ﻭﻫﺘﻔﻮﺍ .. ﺍﻟﺒﺤﺮ .. ﺍﻟﺒﺤﺮ
ﺟﻮﺓ ﺍﻟﻤﺮﻛﺐ .. ﻓِﻀﻠﻮﺍ ﻳﻐﻨﻮﺍ .. ﻳﻐﻨﻮﺍ
ﺷﻮﻳﺔ .. ﺷﻮﻳﺔ ..
ﻭﺳﻜﺖْ ﺍﻟﻤﺮﻛﺐ
ﻛﻞ ﺍﻟﻨﺎﺱ ﺇﺗﻨﻴﻦ .. ﺇﺗﻨﻴﻦ
ﻓﺮﺡ ﺇﺗﻜﻠﻢ ﺑﻰ ﻟﻐﺘﻴﻦ
... ﻛﻨﺖ ﺑﺮﺍﻳﺎ
ﻭﺟﺎﻧﻰ ﺣﻨﻴﻦ ﺍﻟﻜﻮﻥ .. ﺇﺗﻜﻮّﻡ
ﻏﻮّﺭ .. ﻏﻮّﺭ .. ﺟﻮﺓ ﻓﻰ ﺻﺪﺭﻯ
ﻭﺇﺗﻤﻨﻴﺖ ﻟﻮ ﻛﻨﺘﻰ .. ﻣﻌﺎﻳﺎ