ﻣﻨﻮ ﺍﻷﺩﺍﻙ ﺟﻮﺍﺯ ﻟﻠﺤﺐ ؟ ﻋﺸﺎﻥ ﻳﺎﻗﻠﺒﻲ ﺗﺘﺄﻟﻢ
ﻣﻨﻮ ﺍﻟﻮﺩﺍﻙ ﻃﺮﻳﻖ ﺍﻟﺮﻳﺪ ؟ﻭﺗﺘﻌﺮﻑ ﺑﺮﺍﻙ ﻓﻮﻕ ﻛﻢ
ﺗﺠﻲ ﻭﺑﻌﺪ ﺍﻟﻔﺮﺍﻕ ﻳﺤﺼﻞ ﺗﻘﻮﻝ ﻟﻠﺪﻧﻴﺎ ﻣﺎﻓﻲ ﻃﻌﻢ
ﻳﺎﺍﺍﺥ ﻛﻢ ﻣﺮﺓ ﻭﺭﻳﺘﻚ ؟ﺻﺒﺢ ﻣﺎﻋﻨﺪﻙ ﺍﻱ ﻓﻬﻢ
ﺗﻌﺎﻝ ﺃﺳﻤﻊ ﻋﺸﺎﻥ ﺗﻌﺮﻑ ﻭﺟﻴﺐ ﻛﺮﺍﺱ ﻭﺃﻱ ﻗﻠﻢ
ﻭﺃﻛﺘﺐ ﺑﻌﺪ ﺑﺴﻢ ﺍﻟﻠﻪ ﺩﺭﺳﻨﺎ ﺍﻟﻠﻴﻠﺔ ﻛﻠﻪ ﻣﻬﻢ
ﻛﺮﺍﻣﺘﻚ ﻳﺎﻗﻠﺒﻲ ﻓﻲ ﺍﻟﺮﻭﺡ ﺗﺨﺘﻬﺎ ﺍﻧﺖ ﺍﻭﻭﻝ ﻫﻢ
ﻭﻣﺎﻳﻐﺮﻙ ﺟﻤﺎﻝ ﺍﻟﻌﻴﻦ ﺣﻘﺎﻳﻖ ﺍﻟﻨﺎﺱ ﺍﺳﺎﺳﻪ ﻭﻫﻢ
ﻭﻣﺎﺗﺨﻠﻴﻚ ﺿﻌﻴﻒ ﺍﺣﺴﺎﺱ ﺗﺒﺎﺩﻝ ﺍﻟﻨﻈﺮﺓ ﺗﺘﺒﺴﻢ
ﺗﻀﺤﻲ ﻋﺸﺎﻥ ﻋﻴﻮﻧﺎ ﺧﻼﺹ ﺗﺠﻲ ﻭﺑﻌﺪ ﺍﻟﻔﺮﺍﻕ ﺗﻨﺪﻡ
ﺃﻛﻴﺪ ﺭﺑﻚ ﻛﺮﻳﻢ ﻭﺭﺣﻴﻢ ﻭﻣﺎ ﻛﻞ ﺍﻟﺒﺸﺮ ﺗﺮﺣﻢ
ﺻﻔﺎﺕ ﺍﻟﻄﻴﺒﺔ ﻭﺍﻷﺧﻼﺹ ﻣﻊ ﻃﻮﻝ ﺍﻟﺰﻣﻦ ﺗﻌﺪﻡ
ﻭﻛﻢ ﻣﻦ ﺯﻭﻝ ﺗﺸﻮﻓﻮ ﻗﺮﻳﺐ ﻭﺷﺎﻳﻔﻚ ﺩﻳﻤﺎ ﺍﻧﺖ ﻋﺪﻡ
ﻭﻛﻞ ﻣﻦ ﻗﺎﻝ ﺑﺤﺒﻚ ﺟﺪ ﺃﺣﺰﺭﻙ ﺃﻧﻮ ﺗﺪﻱ ﻧﻌﻢ
ﻓﻲ ﻧﺎﺱ ﺩﻛﺘﻮﺭﺓ ﻓﻲ ﺍﻟﺘﻌﺰﻳﺐ ﻭﻣﺎﺟﺴﺘﻴﺮ ﺗﺨﺼﺺ ﻫﻢ
ﻫﻮﺍﻱ ﻳﺸﻮﻓﻮ ﺩﻣﻊ ﺍﻟﻌﻴﻦ ﻣﻌﺪﻟﻮ ﻳﻄﻠﻊ ﺃﻗﻮﻯ ﺳﻬﻢ
ﻭﺣﻮﺵ ﻃﻠﻌﺖ ﻃﺒﺎﻉ ﻗﻠﻴﻞ ﻭﺍﻟﻠﻪ ﻣﻦ ﻳﺴﻠﻢ
ﺩﺍ ﺩﺭﺱ ﺍﻟﻠﻴﻠﺔ ﻳﺎﺍﺍﺍﻗﻠﺒﻲ ﻋﻠﻴﻚ ﻭﺍﺍﺟﺐ ﻋﺸﺎﻥ ﺗﻔﻬﻢ
ﻣﻦ [ 100 ] ﺣﺒﻴﺐ ﻭﺣﺒﻴﺒﺔ ﺗﻌﺎﻝ ﻭﺭﻳﻨﻲ ﺧﻠﺺ ﻛﻢ ؟؟
ﻭﻣﻦ ﻧﻔﺲ ﺍﻟﻌﺪﺩ ﻃﻠﻊ ﻣﻨﻮ ﺍﻟﻤﺎ ﺩﻗﺔ ﺑﺎﺍﺍﺑﻮ ﻧﺪﻡ ؟؟
ﻭﻣﺎ ﺑﺨﻔﻒ ﺟﺮﻭﻭﺡ ﺍﻟﺮﻳﺪ ﻭﻻ ﺑﻨﺪﻭﻝ ﻭﻻ ﻋﻠﻘﻢ
ﺑﻌﻠﻢ ﻓﻴﻚ ﻳﺎﻗﻠﺒﻲ ﻭﺭﻳﺘﻚ ﻛﺎﻥ ﺑﺘﺘﻌﻠﻢ
ﺃﺭﻳﺘﻚ ﻛﺎﻥ ﺑﺘﺘﻌﻠﻢ ﺃﺭﻳﺘﻚ ﺑﺲ ﺑﺘﺘﻌﻠﻢ
الثلاثاء أبريل 09, 2019 9:16 am من طرف Admin
