ﺃﺑﺪﺍﻛﻲ ﻣﻦ ﻭﻳﻦ
ﺍﻟﺸﺎﻋﺮ ﺃﺯﻫﺮﻱ ﻣﺤﻤﺪ ﻋﻠﻲ
ﺃﺑﺪﺍﻛﻰ ﻣﻦ ﻭﻳﻦ ..
ﻭﻓﻴﻨﻰ ﻣﻨﻚ ﻟﺴﺔ ﺣﺎﺟﺎﺕ
ﻣﻦ ﻣﺨﺎﻭﻑ ﻭﻣﻦ ﺷﺠﻦ
ﺃﺑﺪﺍﻛﻰ ﻣﻦ ﻭﻳﻦ .. ﻭﻇﻨﻰ ﺇﻧﻚ
ﻓﻜﺮﺓ ﺇﻋﻼﻥ ﺍﻟﺤﻴﺎﺓ ﺍﻟﺤﻴﺎﺓ
ﻭﺇﻧﺘﻬﺎﺀﺍﺕ ﺍﻟﻌﻮﺍﺭﺽ ﻭﺍﻟﻤﺤﻦ
ﻧﻔﺴﻰ ﺃﻟﻘﺎﻛﻰ ﻭﺃﻛﻮﻥ
ﺃﻧﺎ ﻛﻠﻰ ﻣﻦ ﺑﻌﻀﻚ
ﺃﻭ .. ﺑﻌﻀﻰ ﻣﻦ ﻛﻠﻚ ﺑﺪﻥ
ﻭﺩﺍﻳﺮ ﺃﺑﻘﺎﻛﻰ ﻭﺃﻭﺣﺪ ﺩﻭﺭﺓ ﺍﻟﺪﻡ
ﺍﻟﻤﻘﺴﻤﺔ ﺑﻴﻨﻰ .. ﺑﻴﻨﻚ .. ﻭﺍﻟﺴﺤﻦ
..........
ﺃﺑﺪﺍﻛﻰ ﻣﻨﻰ .. ﻭﻻّ ﻣﻨِّﻚ
ﺃﺑﺘﺪﻳﻜﻰ ﻣﺤﻞ .. ﻣﺤﻞ
ﻣﻦ ﻳﺎﺗﻮ ﻣﻨﻔﺬ ﺃﺩﺧﻠﻚ
ﻭﻛﻞ ﺍﻟﻤﻨﺎﻓﺬ ﻓﻴﻜﻰ ﺳﺪّﺍﻫﺎ ﺍﻟﻨﺤﻞ
ﻣﻦ ﻳﺎﺗﻮ ﺷﺎﺭﻉ ﺃﻭﺻﻠﻚ
ﻭﻛﻞ ﺍﻟﺪﺭﻭﺏ ﻣﻌﻄﻮﻧﺔ ﻟﻰ ﺁﺧﺮ ﺍﻟﻮﺣﻞ
.. ﺃﺳﺘﺒﻴﺢ ﻛﻞ ﺍﻟﺤﻮﺍﺟﺰ .. ﻭﺃﺩﺧﻠﻚ
ﻣﻦ ﻛﻼﻣﻚ ﺑﺪﺧﻠﻚ
ﻣﻦ ﺑﻴﻦ ﻣﺴﺎﻣﻚ ﺑﺪﺧﻠﻚ
ﻣﻦ ﺃﻯ ﻗﺎﺳﻢ ﻣﺸﺘﺮﻙ
ﻭﺷﺒﻬﺔ ﺗﺸﺎﺑﻪ .. ﺍﺩﺧﻠﻚ
ﻭﻧﺘﻼﻗﻰ ﻧﻬﺮﻳﻦ ﻣﻦ ﺗﺴﺎﻣﻰ .. ﻭﺇﺷﺘﻬﺎ
ﻭﺃﺑﺪﺍﻛﻰ ﻣﻦ ﺣﻴﺚ ﺃﻧﺘﻬﺖ ﻋﻨﺪﻙ ﺧﻮﺍﺗﻢ
ﺍﻹﻧﺘﻬﺎ
ﺃﺑﺪﺍﻛﻰ .. ﻭﺃﺧﻠﻊ ﺧﻴﺎﻡ ﻋﻤﺮﻯ ﺍﻟﻤﻀﻰ
ﻭﺃﻟﻘﺎﻛﻰ ﻣﺒﺴﻮﻃﺔ ﺍﻟﻴﺪﻳﻦ
ﻣﻔﺘﻮﺣﺔ ﺃﺑﻮﺍﺏ ﺍﻟﺮﺿﺎ
ﺃﺑﺪﺍﻛﻰ ﻣﻦ ﻟﺤﻈﺔ ﺃﻧﺴﺘِﻚْ ﻧﺎﺭ
ﻭﺃﺧﺪﺕ ﻣﻦ ﻗﺒﺴﻚ .. ﻫُﺪﻯ
ﻭﺃﻧﺎ ﺿُﻤـّﺔ ﺯﺍﻫﺪ
ﻓﻰ ﺍﻟﺪﺭﻭﺏ ﺍﻟﻤﺎ ﺑﺘﺠﻴﻚ
.. ﻭﻻ ﺑﺘﺮﺟِّﻊ ﻟﻴﺎ ﻣﻦ ﺗﺎﻻﻙ ﺻﺪﻯ
ﺃﺑﺪﺍﻛﻰ ﻣﻦ ﻭﻳﻦ ؟ ..